Reklamda Kreativlik

Açıklama

Dünyanı uşaq gülüşü, kainatı kreativlik xilas edəcək. Hər şey dəyişir. Çünki gerçəkliyin təbiətində xaos var; çünki həyat xaosdan xaosa doğru nizamlı keçidlə irəliləyir; çünki inkişafın nə əvvəli, nə də sonu var; çünki bizi əhatə edən reallıq hər an dəyişir. Bu yenilənmənin mayasında kreativ durur. Bu kitabda oxuyacaqlarınız kiminsə dediklərinin təkrarı və ya nələrinsə yamsılanması deyil. Burada reklam işində fərqli forma və məzmunlar üçün düzgün resurs tapılmasının kreativ həllinin nümunələri verilir. Reklam resurslarının konkret mal və xidmət üçün uyğunluq dərəcəsi kreativ prosesin istehlakçı ilə məhsul arasında bağlantını gücləndirmə səviyyəsi ilə, forma seçiminin müştəri ehtiyaclarına adekvat təsiri ilə həmişə gündəmdə qalacaq. Dəyişib aktuallaşan isə bilikdir, çünki yeni dövrün açarı ondadır. Oxumaq, öyrənmək, təcrübə qazanmaq, yenə oxumaq, yenə öyrənmək – bunlardır gerçəkliyə kreativ yanaşma... Reallığın dərk olunmasının, olanların və olacaqların tilsimi də, cazibəsi də ətraf mühitə yaradıcı yanaşmadadır. Kreativin çöhrəsində həmişə təbəssüm var. Bu belə olub, belə də olacaq...